සිහිනයට ඉඩ දෙන්න
අනේ මට එක වරක්
සිපගන්න නුඹෙ දෑත
සැබෑවට එක වරක්
නුඹ හොයන උණුහුමට
ලය දෙන්න එක වරක්
සැබෑ ලෝකෙට එන්න
පුළුවන්ද එක වරක්
සිහිනයෙන් විතරක්ද
ලේ කිරට හැරෙන්නේ
සැබෑ ලොව කවදාද
නුඹේ රුව දකින්නේ
හිතේ දුක කාටදෝ
කෑගසා කියන්නේ
ඔහුට නොපෙනෙන කඳුළ
නෙත් කෙවෙනි තෙමන්නේ
සිහිනයෙන් ඇවිත් නුඹ
හිතේ දුක නිවන්නේ
සිඟිති පා පොඩි තබා
ඹච්චමක් කරන්නේ
නව දිනක අරුණු මැද
නුඹ සැඟව සිටින්නේ
අනේ මං කවදාද
මගෙ දෝනි දකින්නේ
No comments:
Post a Comment