ආදරයෙන් තුරුල් කරන්
හද මාමට කවි කියන්න
නැලැවිල්ලක් මුමුණ මුමුණ
කිරි මුට්ටිය පා කරන්න
රෝස පාට කම්මුල් දෙක
ආදරයෙන් සිප ගන්නට
අනේ මටක් කිරි වරන්න
පුංචි දෝනි කෙනෙක් දෙන්න
අම්මා යැයි පුංචි මුවින්
රස බස් මට අහන් ඉන්න
අප්පචිචිට තුරුල් වෙලා
පුංචි කතාවක් කියන්න
ගේ පැල සිරි කත රන්දා
මගේ දිවිය අරුත් දෙන්න
අනේ මටක් කිරි වරන්න
පුංචි දෝනි කෙනෙක් දෙන්න
තනිකම මගෙ දුරු කරවා
සතුටු සිනා මුව රදන්න
සිගිති මුවේ කිරි සිනාව
මගෙ ලෝකෙට එළිය වෙන්න
අප්පච්චිට ආඩම්බර
දූ පැටියෙනක් හදා දෙන්න
අනේ මටක් කිරි වරන්න
පුංචි දෝනි කෙනෙක් දෙන්න
No comments:
Post a Comment